موسوعة القبائل العربية
قصيدة الدوّاي في رثاء الملك/ فيصل بن عبد العزيز آل سعود ﵀
البارحة عيني من السهر شايله … حمل ثقيل جايدات عدايله
أقول يا عيني بدا الصبح ناظري … وتقولي لي لو صاروا الناس قايله
تحب السهر والسهر غاية مرادها … والدمع من موقه تذارف همايله
عفا الله عن نفس بالإسلام ممنه … وجتها صواديف المقادير مايله
في غفلة محد فطن وانتبه لها … عساها بجنات النعيم امتفايله
نفس العزيز الذي حياته تسرنا … واليوم قفت عن وطنا رحايله
كل العرب بذل جهوده من أجلهم … وسوى مشاريع للاسلام هايله
جعل البقاء باللي عقب غيبته … العاهل اللي عقب فيصل نخايله
خالد بعرش المملكة جعل يهتني … بالدين والدنيا وتحمد وسايله
وفهد ولي العهد (*) وحكومة السعد … سعد عين من جوله عضود بقبايله
من ماكر واحد عريبين بالنسب … نسل الذي يحمد وتدرى فعايله
عبد العزيز اللي اليا هاج والتطم … تمضي له العدوان غصب بفايله
خلف ملوك مثل فعله وهومته … سلاطين نجد ومن مقادم حمايله
متقدمين بعلمهم غير فعلهم … والفعل موجود التواريخ قايله
على رأسهم سم المنايا محمد … طويل شبر وافيات خصايله
هو الأبو عقب الأبو مرهق العدى … ونفوس الأسرة من شرفهم تسايله
هم دولة الإسلام في مهبط الوحي … الله يتابع في عبيده جمايله