موسوعة القبائل العربية
قصيدة للشاعرة مغيضة الدليمان
واخواني اللي عقبهم ما بي الفود … ونفسي اللي قصرت عن هواها
ان مت لا تتعب على القبر يا حمود … رأس الطويلة حطني في نباها
وإن كان تبيضت ما يلحقك سود … حاذور لا يرقد عليه حصاها
دنولي عوصا من الفطر القود … عن الهم تركب بيعوا لي ذراها
يا بعد ذرعانه عن الزور ياحمود … وياطول مع صم الصحاصح اخطاها
تلفي على عرنان واخشومه السود … وخشم السطيحة أشرفت من وراها
هذي تنود وهذي برأسها نود … وهذي يشختر دمها من حفاها
وهذي إلى ركابها قلقل العود … تورد ولو كل القرب نش ماها
وإن صار بالتالين ناشد ومنشود … وكلًا تشتل سابقة في غياها
يردها قدام حضار واشهود … وتعلقوا من غير ملي قراها
وإن صار بالتالين طارد ومطرود … تطلع وهو يؤخر بها مانخاها
وتقول مغيضه في وصف معركة وقعت على عشيرتها في جرف باير (٢):
سوالف بالجرف يبرن الأوجاع … يفضن بيبال الصديق القرابه
جتنا خيول عجها سد الارياع … وادعى لنا رب المقادير ثابه
أرع الحصان مع أول الخيل فزّاع … يازين ملية منخرة من اترابه
ياكم قحومًا تجمع الجرف مطواع … ذبحت وراعيها فضخ في ثيابه