موسوعة القبائل العربية
وان جيت للسلقا نعده بدايد … مروين حد مصقلات الحداديد
لهم بجزلات المعاني عوايد … ومقدامهم نسل الرفدي ابن عرمان
بجايده تاريخهم كان مشهور … وعيال مطرف كاسب الطيب وجبور
وفعايل الشملان بالطيب مخبور … واولاد حسن مع سلايل مضيان
ومن حامد الشملان جمع البشيري … ورشده اللي من نطحهم خطيري
ومراجله ذخر الذي يستجيري … شملان نعم الحي لا قيل شملان
واولاد حسن توع الخصم يرتاع … عويضات وسويلم طويلين الابواع
وقماقمه وأيضًا شغاميم رباع … من دور ناقل هم عناز سلمان
أما الجبور اقسامهم أربع افنود … من دور عكلي فعلهم كان مشهود
وشاوشة وافين بالفعل وزيود … ومن جبر شبيكات ورجال شرمان
وخلفه سوى أهل الفعال الفنيعه … حمايره وسنيد وأيضا زريعه
وخنفه اللي فعلهم بالطليعه … مضيان بوم الناس للناس غزوان
وجني من عقبه قروم العبيات … ودلقه الشجعان يوم القومات
ومقدم وعقب قناع محفوظ باثبات … ترثه بجيد وشيخهم عقب شامان
ومطارفه بالطيب نعم الرجالي … نصره وفقعه قروم مدالي
مقدامهم نسل الفهيم السحالي … هل الشياه اللي شروهن بالاثمان
ودهامشة نعم الرجال الميامين … لابة محددة الجمل بالاكاوين
منهم علي وسويلمات وسلاطين … يتلون ابن راكان والشيخ سعران
ونعد من علي الكبير الجلاعيد … وحمدان أبو علي نضانيض صنديد
غريب الدار سقم المعانيد … يشهد له التاريخ والفعل برهان
من نسله العياش وأيضًا المذاويد … وزبنه اللي ما بساسه تقاليد