معجم أسر بريدة

هذا يسمى دشارات

إليا مسك المرور ... تبدي تلفَّ وتدور

وتجمع لك حيالات

واكبر من ذا لي صدمت ... والحادث صار سببه انت

وقعت غيرك في بلشات

هذا ان كانك سلمت ... أو تدهورت وعدمت

صرت بغيبوبه ساعات

لو انه ما به زحام ... قطع الاشارة حرام

لا تحط نفسك في ورطات

لا تطاوع نفسك وتهاون ... الواجب منك التعاون

مع الشيمه والمروات

لياك تغامر وتصاقط ... تحلت الموتر وتنابط

لا تحسب هذي شطرات

السرعه هي والتفحيط ... لا تحسب انه بسيط

وآخرتها تجي نكبات

رح للمستشفى لك ساعه ... تشوف الهول والفظاعة

كله حوادث السيارات

أحد كسر واحد فلاق ... واحد جرحه ما ينطاق

واحد خلطه بالثلاجات

حط أسبابك وتوكَّل ... واسأل ربك ولا تغفل

وهو اللي عنده النجاة